Украина президенти Владимир Зеленский Мариуполда украиналик ҳарбий асирлар устидан «суд» ўтказилса, Киев ва Москва ўртасидаги музокаралар имконсиз бўлишини айтди. Аввалроқ у Украинанинг Россия назорати остидаги ҳудудларидан рус қўшинларининг олиб чиқилишини музокараларни қайта бошлаш шарти деб атаганди.
Агар барча келишувларни, халқаро қоидаларни бузган ҳолда одамларимиз ушбу манзарага олиб келинса... ҳар қандай музокараларни имконсиз қиладиган чизиқ тортилади. Россиянинг ўзи ўзини музокаралардан узади. Ортиқ ҳеч қандай гап бўлмайди. Давлатимиз ҳаммасини айтган», — деди Зеленский видеомурожаатида.Россия ва ДХР расмийлари украиналик ҳарбий асирлар устидан суд жараёнини ўтказиш режалари ҳақида расман эълон қилмаган, бундай маълумотлар бир қатор Украина ва Россия оммавий ахборот воситаларида, шунингдек Telegram-каналларида пайдо бўлди. Life нашри Мариуполдаги филармониядан видео эълон қилди, унда гўёки «азов»чилар устидан трибуналга тайёргарлик кўрилмоқда. Бу ҳақда драма театри актёри Дамир Сухов ҳам «Аргументлар ва фактлар» нашрига маълум қилган.
Май ойида Россия ва Украина делегациялари ўртасидаги музокаралар тўхтатилган эди. 21 август куни Россиянинг Женевадаги БМТ бўлими ва бошқа халқаро ташкилотлардаги доимий вакили Геннадий Гатилов томонлар ўртасида, жумладан, президентлар даражасида алоқа ўрнатиш имкониятини кўрмаётганини айтди. Унинг фикрича, Украинадаги можаро қанча узоқ давом этса, дипломатик ечимга келиш шунчалик қийин бўлади.
Изоҳ (0)