Toshkent jamoat transporti harakat tarkibini yangilash doirasida yana 10 ta yangi avtobus olib kelindi. Bu haqda Transport vazirligi matbuot xizmati xabar berdi.
Ma’lum qilinishicha, “Samarqand avtomobil zavodi” MCHJda ishlab chiqarilgan “SAZ LE-60” rusumli avtobuslarning navbatdagi 10 donasi “Toshshahartransxizmat” AJ tasarrufidagi “2-Avtobus saroyi” filialiga yetkazildi. Bugungi kunga qadar ushbu rusumdagi sotib olingan jami avtobuslar soni 80 taga yetdi.
“Toshshahartransxizmat” AJ harakat tarkibi prezidentning 2022-yil 2-fevraldagi “Toshkent shahar jamoat transporti tizimini yanada rivojlantirishga doir qo‘shimcha chora-tadbirlar to‘g‘risida”gi qarorida belgilangan vazifalar ijrosi doirasida yangilanib borilmoqda.
Mavzuga doir: Toshkent jamoat transportida harakatlanish oraliq vaqti 2 barobarga qisqaradi
Izoh (0)