O‘zbekiston banklarida korrupsiya va firibgarlikka qarshi kurashish samarali tizimi mavjud. Moliyaviy muassasalarda xavfsizlik bo‘yicha olib borilgan ishlarning natijalarini so‘nggi holatlarda kuzatish mumkin, deb xabar bermoqda IIV Kiberxavfsizlik markazi.
Ma’lum qilinishicha, 16-avgust kuni banklardan birining maxsus botiga bir mijoz murojaat qilib, uning plastik kartasidan 8 080 000 so‘m miqdorida mablag‘ yechib olinganini aytgan. Ushbu holat yuzasidan noma’lum shaxsga nisbatan Jinoyat kodeksining 169-moddasi bilan jinoyat ishi qo‘zg‘atilgan. O‘sha kunning o‘zidayoq bank xavfsizlik xizmati xodimlar o‘rtasida tergov o‘tkazilib va jinoyatni 2001-yilda tug‘ilgan Call-markaz xodimi K.D. sodir etgani aniqlangan.
Ma’lum bo‘lishicha, huquqbuzar moliya muassasasiga murojaat qilgan mijozlarning murojaatlarini o‘rganib chiqib Telegram’da texnik yordam ko‘rsatuvchi sifatida profil ochgan, so‘ngra muammo borligini ta’kidlab mijozning o‘zidan sms kod, kartaning maxfiy kodini olgan va mablag‘larni o‘g‘irlagan.
“Mijozlarning plastik kartalaridan pul yo‘qotish holatlari kelib chiqqanda, bank xavfsizligi xodimlari pul tushgan joylarni aniqlashda va firibgarlarni topishda yordam berishga tayyor. Shu bilan birga, korrupsiya va firibgarlik bilan bog‘liq barcha jinoiy ishlar tergov qilish uchun o‘z vaqtida ichki ishlar organlariga topshiriladi. Bank kartalaridan pul yechib olish bilan bog‘liq holatlar faqatgina mijozning o‘zi firibgarlarga shaxsiy ma’lumotlarni berganda yuz berishi mumkin.
Sizdan shaxsiy ma’lumotlaringizni, SMS xabar kodlari, kod so‘zi va boshqa maxfiy ma’lumotlarni begona shaxslarga bermasligingizni so‘rab qolamiz”, — deyiladi xabarda.
Mavzuga doir:
- Surxondaryoda bank xodimlari fuqaroning kartasidan qariyb 50 mln so‘mni yechib olgani aniqlandi
- Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
- Qashqadaryoda bank xodimlari 150 nafar fuqaroning pensiya va nafaqa pullarini talon-toroj qilgani aniqlandi
Izoh (0)