Futbol bo‘yicha Ispaniya La Ligasining 2-turida “Real” 20-avgust, shanba kuni “Selta” bilan bahs olib bordi.
Uchrashuvning 14-daqiqasida Karim Benzema penaltidan unumli foydalanib, hisobni ochdi. 21-daqiqada Yago Aspas ham penaltini amalga oshirib, muvozanatni tikladi. Birinchi bo‘lim so‘ngida Luka Modrich ajoyib gol bilan “qaymoqranglilar”ni hisobda oldinga olib chiqdi.
56-daqiqada Vinisius Junior madridliklarning navbatdagi goliga mualliflik qildi. 66-daqiqada Federiko Valverde ham o‘z nomiga gol yozdirib qo‘ydi.
Karlo Anchelotti shogirdlari ochkolarini 6 taga yetkazib, musobaqa peshqadamligini qo‘lga oldi. “Selta” esa 1 ochko bilan 14-o‘rinni egalladi.
La Liga
2-tur bahslari
20-avgust, shanba
“Selta” — “Real” 1:4
Gollar: 0:1 – 14 Benzema (penalti), 1:1 – 23 Aspas (penalti), 1:2 – 41 Modrich, 1:3 – 56 Vinisius Junior, 1:4 – 66 Valverde.“Selta”: Marchesin, Malo, Nunyes, Aydu, Galan, Tapiya (De La Torre, 87), Servi, Oskar Rodriges (Veyga, 79), Beltran, Aspas, Pasiensiya (Karles Peres, 69).
“Real Madrid”: Kurtua, Karvaxal (Ryudiger, 69), Alaba (Vaskes, 77), Militao, Mendi, Modrich (Sebalyos, 77), Tchuameni, Kamavinga (Asensio, 83), Valverde, Benzema, Vinisius Junior (Azar, 83).
Ogohlantirishlar: Tapiya (13), Karvaxal' (65), Alaba (68), Malo (85).
Izoh (0)