Futbol bo‘yicha Angliya Premyer Ligasining 3-turidan o‘rin olgan bir qator o‘yinlar 20-avgust, shanba kuni bo‘lib o‘tdi.
“Arsenal” safarda “Bornmut” bilan bahs olib bordi. Uchrashuvning 5-daqiqasida Martin Edegor hisobni ochdi. Oradan 6 daqiqa o‘tib, Edegor dublni rasmiylashtirdi. 54-daqiqada Uilyam Saliba londonliklarning navbatdagi goliga mualliflik qildi.
Mikel Arteta shogirdlari ochkolari sonini 9 taga yetkazib, musobaqa peshqadami bo‘lib qolmoqda, “Bornmut” esa 3 ochko bilan 14-pog‘onadan joy egalladi.
“Tottenhem” o‘z maydonida “Vulverhempton”ni qabul qildi va 1:0 hisobida g‘alaba qozondi. Uchrashuvdagi yagona gol 64-daqiqada Harri Keyn tomonidan urildi.
Ushbu g‘alabadan so‘ng “shporlar” ochkolari sonini 7 taga yetkazib, 2-o‘ringa ko‘tarilib oldi. “Vulverhempton” esa 1 ochko bilan 17-o‘rinni band etib turibdi.
APL
3-tur bahslari
20-avgust, shanba
“Bornmut” — “Arsenal” 0:3
Gollar: 0:1 – 5 Edegor, 0:2 – 11 Edegor, 0:3 – 54 Saliba.“Bornmut”: Trevers, Smit, Senesi (Entoni, 46), Kelli, Mifem, Zemura, Lerma, Pirson (Kuk, 46), Taverne, Billing (Kristi, 65), Mur.
“Arsenal”: Remsdeyl, Uayt (Tomiyasu, 75), Gabriel, Saliba, Zinchenko, Jaka (Lokongo, 88), Parti, Edegor (Smit-Rou, 74), Saka (Tirni, 88), Gabriel Jezus, Martinelli (Nketia, 74).
Ogohlantirishlar: Zemura (27), Gabriel Jezus (52), Smit (60).
“Tottenhem” — “Vulverhempton” 1:0
Gol: 1:0 – 64 Keyn.“Tottenhem”: Lyoris, Emerson, Dayer, Devis, Sanches, Perishich (Sessenyon, 76), Son (Risharlison, 76), Hyoyberg, Bentankur, Kulusevski (Bissuma, 86), Keyn.
“Vulverhempton”: Joze Sa, Kastro, Kollinz, Kilmen, Ait-Nuri (Semedu, 71), Moutinyu (Dendonker, 58), Ruben Nevesh, Mateush Nunesh, Podense (Ximenes, 59), Netu (Traore, 71), Gedesh (Xvan Xi Chxan, 81).
Ogohlantirishlar: Hyoyberg (12), Ait-Nuri (56), Keyn (67), Kollinz (67).
Izoh (0)