Xitoyning g‘arbiy qismidagi Tsinxay provinsiyasida kuchli yog‘ingarchilik tufayli yuzaga kelgan suv toshqini 17 kishining hayotiga zomin bo‘ldi. Davlat matbuoti 18-avgust kuni kechqurun e’lon qilgan ma’lumotlariga ko‘ra, yana 17 kishi bedarak yo‘qolgan. Bu haqda CCTV’ga tayanib, Reuters xabar bermoqda.
Tsinxay provinsiyasida 17-avgust, chorshanba kuni to‘satdan boshlangan kuchli yomg‘ir tog‘larda suv toshqini va ko‘chkilarga sabab bo‘lgan.
Hozirda mahalliy hukumat tabiiy ofat oqibatlarini bartaraf etish amaliyotlari uchun 2 ming kishidan iborat qutqaruv guruhi va 160 dan ortiq mashina jo‘natdi.
Iyun oyidan beri Xitoy issiq to‘lqinlardan tarixiy suv toshqinlarigacha bo‘lgan ekstremal ob-havo bilan kurashmoqda. Hukumat ushbu voqealarda iqlim o‘zgarishlarini ayblamoqda, bu esa iqtisodiyot va jamiyatga tobora ko‘proq salbiy tasir ko‘rsatishini bildiradi.
Mavzuga doir: Italiya va Fransiyada kuchli bo‘ron oqibatida 7 kishi qurbon bo‘ldi
Izoh (0)