Qirolicha Yelizaveta II ning nabirasi Luiza bog‘ markazida kassir yordamchisi bo‘lib ishga kirdi. Oliy o‘quv yurtiga kirish imtihonlarini topshirib bo‘lgach, u yarim kunlik ish topishga qaror qilgan. Qiz soatiga 6,63 funt sterling oladi, bu 7,85 dollarga teng. Daily Mail nashri Luiza Surrey graftligidagi Bagshot parkda joylashgan 30 million funtlik qasrda yashashini eslatib o‘tdi.
Shahzoda Edvardning qizi Luiza va rafiqasi Sofi bu yozda Sent-Endryus universitetiga o‘qishga kirdi. Endi sentabrgacha, Luiza bog‘ markazlaridan birida kassirga yordam beradi: u bog‘dagi o‘simliklarni parvarishlaydi, tashrif buyuruvchilarga xizmat qiladi.
Mijozlarning The Sun nashriga aytishicha, ular Luizani ish joyida ko‘rib, hayratda qolgan:
Bu Ledi Luiza ekaniga ishonolmadim. U juda kamtarin va shirinso‘z, muloyim va mijozlarga e’tiborli qiz. Aftidan, u o‘z ishidan zavqlanayotganga o‘xshaydi, — deydi ulardan biri.
Hozir inqiroz yuz berayotgani va hamma narsa qimmatlashayotganini bilaman. Ammo qirolichaning nabirasi bog‘da ishlayotganini ko‘raman deb hech o‘ylamagandim, — ta’kidlagan yana bir mijoz.Nashrlarda Luizaning ish kuni qancha davom etishiga aniqlik kiritilmagan. Ammo agar u haftada sakkiz soat va besh kun ishlaydi, deb hisoblansa, oyiga taxminan 1,1 ming funt sterling (taxminan 1,3 ming dollar) oladi. Shu bilan birga, Buyuk Britaniyada o‘rtacha oylik ish haqi Milliy statistika xizmati ma’lumotlariga ko‘ra, 2,076 ming funt sterlingni (taxminan 2,4 ming dollar) tashkil qiladi.
Izoh (0)