Braziliya federal politsiyasi, mamlakat Oliy sudini prezident Jair Bolsonaroni 680 mingdan ortiq braziliyalikning hayotiga zomin bo‘lgan COVID-19 pandemiyasi haqida dezinformatsiya tarqatgani uchun ayblashga chaqirdi. Bu haqda The Guardian’ga tayanib, “Gazeta.ru” xabar bermoqda.
Qayd etilganidek, davlat rahbari niqob rejimiga e’tibor bermaslik va emlashdan bosh tortishga chaqirganlikda ayblanmoqda. Shuningdek, federal politsiya uni so‘roq qilish zarur deb hisoblamoqda.
Prezident, ispan grippi qurbonlari aslida niqoblardan foydalanish orqali kelib chiqqan bakterial pnevmoniya natijasida vafot etgani haqida ataylab noto‘g‘ri ma’lumot tarqatgan. Shuning uchun odamlar niqob kiyish majburiy bo‘lgan koronavirusga qarshi kurash doirasida himoya vositalaridan voz kechishga majbur qilindi”, — deyiladi tergovchilarning Oliy sudga yo‘llagan maktubida.Bundan tashqari, Braziliya politsiyasi tomonidan Bolsonaro koronavirus vaksinalarining tarqalishi bilan bog‘liq yolg‘ondan da’vo qilish, tegishli dori-darmonlarni sotib olishni ataylab kechiktirish va samarasiz dori vositalarini targ‘ib qilishda ayblandi.
Mavzuga doir: Braziliya prezidenti Jair Bolsonaru bloger bilan mushtlashdi (video)
Izoh (0)