Хитойнинг ғарбий қисмидаги Цинхай провинциясида кучли ёғингарчилик туфайли юзага келган сув тошқини 17 кишининг ҳаётига зомин бўлди. Давлат матбуоти 18 август куни кечқурун эълон қилган маълумотларига кўра, яна 17 киши бедарак йўқолган. Бу ҳақда CCТV’га таяниб, Reuters хабар бермоқда.
Цинхай провинциясида 17 август, чоршанба куни тўсатдан бошланган кучли ёмғир тоғларда сув тошқини ва кўчкиларга сабаб бўлган.
Ҳозирда маҳаллий ҳукумат табиий офат оқибатларини бартараф этиш амалиётлари учун 2 минг кишидан иборат қутқарув гуруҳи ва 160 дан ортиқ машина жўнатди.
Июнь ойидан бери Хитой иссиқ тўлқинлардан тарихий сув тошқинларигача бўлган экстремал об-ҳаво билан курашмоқда. Ҳукумат ушбу воқеаларда иқлим ўзгаришларини айбламоқда, бу эса иқтисодиёт ва жамиятга тобора кўпроқ салбий тасир кўрсатишини билдиради.
Мавзуга доир: Италия ва Францияда кучли бўрон оқибатида 7 киши қурбон бўлди
Изоҳ (0)