Konya—2021. O‘zbekiston delegatsiyasi Islom birdamligi o‘yinlarida 158 ta medal bilan umumjamoa hisobida 2-o‘rinni qo‘lga kiritdi

Turkiyaning Konya shahrida 9—18-avgust kunlari Islom birdamligi o‘yinlari bo‘lib o‘tdi.

Musobaqada 55 mamlakat vakillari 19 ta sport turi bo‘yicha bellashuvlarda ishtirok etdi.

O‘zbekiston delegatsiyasi mazkur turnirda 265 nafar sportchi bilan qatnashdi. O‘zbekistonlik sportchilar 51 ta oltin, 42 ta kumush va 65 ta bronza medali bilan umumjamoa hisobida mezbonlardan keyin ikkinchi o‘rinni egalladi.

Bunda eng katta hissani og‘ir atletikachilar qo‘shdi, O‘zbekiston og‘ir atletika terma jamoasi 15 ta oltin medalga sazovor bo‘ldi, yana uchta kumush va oltita bronza bilan delegatsiya hisobiga jami 24 ta medal qo‘shdi.

O‘zbekiston delegatsiyasi Konya—2021 da:

• Og‘ir atletika — 15 oltin, 3 kumush, 6 bronza
• Dzyudo — 6 oltin, 2 kumush, 5 bronza
• Gimnastika — 4 oltin, 10 kumush, 3 bronza
• Kurash — 4 oltin, 4 kumush, 10 bronza
• Yengil atletika — 4 oltin, 2 kumush, 2 bronza
• Taekvondo — 4 oltin, 4 bronza
• Velosport — 3 oltin, 4 kumush, 4 bronza
• Kikboksing — 2 oltin, 7 kumush, 12 bronza
• Suzish — 2 oltin, 5 kumush, 5 bronza
• Qilichbozlik — 2 oltin, 3 kumush, 9 bronza
• Parasuzish — 2 oltin, 2 kumush, 1 bronza
• Karate — 2 oltin, 1 bronza
• Parayengil atletika — 1 oltin
• Stol tennisi — 1 bronza
• Kamondan o‘q otish — 1 bronza
• Jami (158) — 51 oltin, 42 kumush, 65 bronza