Londonning “Chelsi” jamoasi “Barselona” hujumchisi Pyer-Emerik Obameyangni xarid qilishiga ishonchi komil.
Londonliklar 33 yoshli gabonlik futbolchi uchun kataloniyaliklarga taklif yuborgan.
“Aristokratlar” hozircha futbolchining o‘zi bilan shaxsiy shartnoma borasida muzokara o‘tkazgani yo‘q.
“Barselona” bosh murabbiyi Xavi Obameyangni qo‘yib yubormoqchi emas. Hujumchi ispaniyalik mutaxassisning rejalariga kiradi. “Chelsi” ustozi Tomas Tuxel ham futbolchi bilan bog‘langan va ushbu transfer amalga oshishiga ishonmoqda.
Eslatib o‘tamiz, Obameyang qishki transferlar oynasida “Arsenal” bilan shartnomasini bekor qilib, “Barselona”ga o‘tgan edi. Ispaniyada hujumchi 24 ta o‘yinda ishtirok etib, 13 ta golga mualliflik qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)