“Barselona” hujumchisi Memfis Depay “Yuventus”ga o‘tishga yaqin turibdi.
Italiyalik jurnalist Janluka di Marsioning xabar qilishicha, 28 yoshli niderlandiyalik futbolchi katalonlar bilan amaldagi shartnomasini bekor qiladi va Italiya grandiga erkin agent maqomida yo‘l oladi.
Buning evaziga “Yuventus” “Barsa” Miralem Pyanich uchun to‘lashi kerak bo‘lgan bonus pullaridan voz kechadi.
Depay va “Yuventus” hozircha o‘zaro kelishuvga erishgani yo‘q. Avvalroq tomonlar yiliga 6 million yevro maoshga ega ikki yillik shartnoma haqida muzokara olib borayotgani xabar qilingandi.
Depay 2021-yilning yozida “Barselona”ga erkin agent maqomida qo‘shilgandi. Uning klub bilan amaldagi shartnomasi 2023-yilning yoziga qadar mo‘ljallangan.
Avvalroq “Barselona”ning yana bir forvardi Pyer-Emerik Obameyang jamoani tark etishi mumkinligi xabar qilingandi.
Izoh (0)