Коня—2021. Ўзбекистон делегацияси Ислом бирдамлиги ўйинларида 158 та медал билан умумжамоа ҳисобида 2-ўринни қўлга киритди

Туркиянинг Коня шаҳрида 9—18 август кунлари Ислом бирдамлиги ўйинлари бўлиб ўтди.

Мусобақада 55 мамлакат вакиллари 19 та спорт тури бўйича беллашувларда иштирок этди.

Ўзбекистон делегацияси мазкур турнирда 265 нафар спортчи билан қатнашди. Ўзбекистонлик спортчилар 51 та олтин, 42 та кумуш ва 65 та бронза медали билан умумжамоа ҳисобида мезбонлардан кейин иккинчи ўринни эгаллади.

Бунда энг катта ҳиссани оғир атлетикачилар қўшди, Ўзбекистон оғир атлетика терма жамоаси 15 та олтин медалга сазовор бўлди, яна учта кумуш ва олтита бронза билан делегация ҳисобига жами 24 та медал қўшди.

Ўзбекистон делегацияси Коня—2021 да:

• Оғир атлетика — 15 олтин, 3 кумуш, 6 бронза
• Дзюдо — 6 олтин, 2 кумуш, 5 бронза
• Гимнастика — 4 олтин, 10 кумуш, 3 бронза
• Кураш — 4 олтин, 4 кумуш, 10 бронза
• Енгил атлетика — 4 олтин, 2 кумуш, 2 бронза
• Таэквондо — 4 олтин, 4 бронза
• Велоспорт — 3 олтин, 4 кумуш, 4 бронза
• Кикбоксинг — 2 олтин, 7 кумуш, 12 бронза
• Сузиш — 2 олтин, 5 кумуш, 5 бронза
• Қиличбозлик — 2 олтин, 3 кумуш, 9 бронза
• Парасузиш — 2 олтин, 2 кумуш, 1 бронза
• Каратэ — 2 олтин, 1 бронза
• Параенгил атлетика — 1 олтин
• Стол тенниси — 1 бронза
• Камондан ўқ отиш — 1 бронза
• Жами (158) — 51 олтин, 42 кумуш, 65 бронза