Farg‘ona viloyati bojxona boshqarmasi kontrabandaga qarshi kurashish bo‘limi xodimlari tomonidan o‘tkazilgan tezkor tadbir davomida 70 dona televizorning noqonuniy olib kirilishi oldi olindi. Bu haqda viloyat ichki ishlar boshqarmasi axborot xizmati xabar berdi.
Ma’lum qilinishicha, Log‘on–Farg‘ona yo‘nalishida harakatlanayotgan fuqaro K.A. boshqaruvidagi Mersedes Vito kuzatuvga olinib, Quvasoy shahri hududida to‘xtatilgan. Shundan so‘ng belgilangan tartibda xolislar ishtirokida ko‘zdan kechirilgan. Natijada avtomashina yukxonasida xorijda ishlab chiqilgan hamda bojxona rasmiylashtiruvidan o‘tganini tasdiqlovchi hujjatlari bo‘lmagan, umumiy qiymati deyarli 100 million so‘mlik 4 turdagi jami 70 dona televizor borligi aniqlangan.
Mazkur holat yuzasidan bojxona organlari tomonidan tergovga qadar tekshiruv harakatlari olib borilmoqda.
Izoh (0)