Prezident ta’lim muassasalari agentligi tizimida yangi tashkil etilgan ixtisoslashtirilgan maktablarga kirish imtihonlari natijalari e’lon qilindi. Bu haqda agentlik axborot xizmati xabar berdi.
Ta’kidlanishicha, 3, 4, 5, 6, 7 va 8-iyul kunlari hamda Qoraqalpog‘istonda 25, 26, 27, 28, 29, 30-iyul va 7-avgust kuni o‘tkazilgan imtihon natijalari e’lon qilindi. Natijalarni quyidagicha aniqlash mumkin:
- Talabgorning ariza.piima.uz saytidagi shaxsiy kabinetiga ID raqamini kiritish orqali;
- @piima_natijabot orqali.
Xabarga ko‘ra, Qoraqalpog‘istondagi imtihonlar sanasi o‘zgargan va bu test sinovlari javoblari e’lon qilinishi ortga surilishiga sabab bo‘lgan. Oxirgi imtihon 7-avgust sanasida bo‘lib o‘tgan va Prezident ta’lim muassasalari agentligi tizimidagi maktablarga 2022—2023-o‘quv yili uchun kirish imtihonlari aynan 7-avgust kuni yakuniga yetgani haqida rasmiy sahifalarda xabar berilgan.
Izoh (0)