Qashqadaryo viloyatining Shahrisabz shahrida maktabgacha ta’lim bo‘limi xodimi pora bilan qo‘lga tushdi. Bu haqda viloyat prokuraturasi matbuot xizmati xabar berdi.
Ma’lum qilinishicha, u nodavlat maktabgacha ta’lim muassasasiga subsidiya mablag‘lari yo‘naltirib berish evaziga 400 AQSH dollari talab qilgan. Huquqni muhofaza qiluvchi organlar xodimlari tomonidan o‘tkazilgan tezkor tadbirda so‘ralgan pulni olayotgan vaqtida ushlangan.
Holat yuzasidan Jinoyat kodeksining 214-moddasi (davlat organi xizmatchisining qonunga xilof ravishda moddiy qimmatliklar olishi yoki mulkiy manfaatdor bo‘lishi) bilan jinoyat ishi qo‘zg‘atilgan. Dastlabki tergov harakatlari Shahrisabz shahar prokuraturasi tomonidan olib borilmoqda.
Mavzuga doir: Surxondaryoda Xalq ta'lim bo'limi xodimi pora bilan qo'lga tushdi
Izoh (0)