O‘zbekistonda Vazirlar Mahkamasi tomonidan davlat ishtirokidagi yirik korxonalar aksiyalarini fond birjasida birlamchi (IPO) va ikkilamchi (SPO) ommaviy joylashtirish to‘g‘risida qaror qabul qilindi.
Qarorga ko‘ra, davlat tasarrufidagi yirik korxonalarni auditdan o‘tkazish, xususiylashtirish jarayonlariga xalqaro ekspertlarni jalb qilish, kompaniyalar aksiyalarini xorijiy va mahalliy fond birjalarida ommaviy joylashtirish bo‘yicha “yo‘l xaritasi” qat’iy belgilandi.
IPO va SPO o‘tkazish orqali aksiyalar keng ommaga taqdim etiladi.
IPO va SPO’si bo‘lib o‘tadigan korxonalar ro‘yxati va muddati:
- “O‘zmetkombinat” (IPO) — 2022-yil to‘rtinchi chorak va 2023-yil birinchi chorakda;
- “Qurilishmashlizing” (IPO) — 2023-yil aprel;
- Uzbekistan Airways (IPO) — 2023-yil iyul;
- “O‘zbekinvest” (IPO) — 2023-yil ikkinchi va uchinchi chorakda;
- “O‘ztransgaz” (IPO) — 2023-yil ikkinchi chorakda;
- “Xalq banki” (IPO) — 2023-yil ikkinchi chorakda;
- “O‘zagrosug‘urta” (IPO) — 2023-yil mart;
- “Qishloq qurilish bank” (IPO) — 2022-yil avgust—oktabr;
- “Agrobank” (IPO) — 2022-yil sentyabr—2023-yil yanvar;
- “O‘zmilliybank” (IPO) — 2023-yil iyul;
- “O‘zbekneftgaz” (IPO) — 2023-yil fevral—mart;
- “Mikrokreditbank” (IPO) — 2023-yil iyul;
- UzAuto Motors (IPO) — 2022-yil to‘rtinchi va 20213-yil birinchi chorakda;
- “O‘zavtosanoat” (IPO) — 2023-yil mart;
- “Aloqabank” (IPO) — 2023-yil aprel;
- “O‘ztemiryo‘lkonteyner” (IPO/SPO) — 2023-yil iyun;
- “O‘zbekiston pochtasi (SPO) — 2023-yil mart;
- “O‘zbekgeofizika” (SPO) — 2023-yil iyun;
- “Universal Sug‘urta” (SPO) — 2023-yil iyun;
- “Alskom” (SPO) — 2023-yil iyun;
- “Dori-darmon” (SPO) — Vazirlar mahkamasi roziligini olgandan so‘ng.
IPO nima va u oddiy odamlarga nima beradi?
IPO (Initial Public Offering) — birlamchi ommaviy taklif, aksiyalarni fond bozori orqali sotish jarayoni. Bu korxona uchun nafaqat pul jalb qilish, balki yangi bosqichga ko‘tarilib, ommaviy va shaffof bo‘lish yo‘li dir. IPO’dan keyin deyarli barcha narsa o‘zgaradi — hisobot shakllaridan tortib rivojlanish rejalarigacha.
IPO o‘tkazish — xususiylashtirish usullaridan biri. So‘nggi yillarda hukumat kompaniyalarni kimoshdi savdosi va arizalar qabul qilish yo‘li bilan sotish orqali iqtisodiyotdagi ishtirokini kamaytirishga harakat qilmoqda.
Oddiy odamlar uchun bu yirik kompaniyaning ma’lum bir qismining egasi bo‘lish va foydaning bir qismini olish imkoniyatidir.
Avvalroq O‘zbekistondagi yagona fond birjasiga xorijlik rahbar tayinlangan edi.
Izoh (0)