“Gazprom” qish uchun gaz narxi 4 ming dollardan oshishini prognoz qilmoqda

“Gazprom” Yevropada qish uchun gaz narxi 4 ming dollardan oshishini prognoz qildi. Bu haqda Kommersant xabar bermoqda.

Kompaniya hisobotiga ko‘ra, yil boshidan beri MDHdan tashqari mamlakatlarga eksport 78,5 mlrd kubometrni tashkil etib, 36,2 foizga kamaygan.

Shu bilan birga, Xitoyga eksport o‘sishda davom etmoqda. Monopoliyaning konservativ deb atagan hisob-kitoblariga ko‘ra, qishda Yevropada narxlar ming kub metr uchun 4 ming dollardan oshadi.

Iyul oyi oxirida Yevropada gaz narxi ko‘tarila boshladi va har ming kub metr uchun 2 ming dollardan oshib ketdi. Bunga “Gazprom”ning “Shimoliy oqim” orqali yetkazib berish hajmini qisqartirgani sabab bo‘ldi.

Kecha, 15-avgust kuni Yevropada gaz narxi ming kub metr uchun 2,5 ming dollarga oshib, rekord darajaga yetdi.

Issiqlik va qurg‘oqchilik sharoitida gaz qimmatlashib bormoqda, bu esa daryolar bo‘ylab ko‘mir yetkazib berishni qiyinlashtirmoqda.