Buyuk Britaniyada iyul oyida iste’mol narxlari yillik ko‘rsatkichda 10,1 foizga oshdi. Bu haqda mamlakat Milliy statistika boshqarmasi (MSK) ma’lumotlariga tayanib, Bloomberg xabar bermoqda.
Shunday qilib, inflyatsiya iyun oyiga nisbatan tezlashib, so‘nggi 40 yillikdagi eng yuqori darajaga chiqdi. O‘tgan oy narxlar oshishi 9,4 foizni tashkil qilgan edi.
Iste’mol narxlari iyun oyida 0,8 foizga oshganidan keyin oyiga 0,6 foizga yuqoriladi. Mutaxassislar o‘rtacha 0,4 foiz o‘sishni kutgan edi.
Buyuk Britaniyada yuqorilayotgan inflyatsiya asosan oziq-ovqat narxlarining oshishi bilan bog‘liq.
Ma’lumotlariga ko‘ra, mamlakatda oxirgi marta inflyatsiyaning bunday yuqori darajasi 1982-yilning fevralida qayd etilgan. O‘sha yili inflyatsiya yanvar oyida deyarli 11 foizni tashkil etgan va dekabrda 6,5 foizga tushgan.
Oziq-ovqat, alkogol, tamaki va energiyadan tashqari narxlar iyul oyida yillik ko‘rsatkichlarda 6,2 foiz va o‘tgan oyga nisbatan 0,3 foizga oshdi. Iyun oyida ularning o‘sishi mos ravishda 5,8 foiz va 0,4 foizni tashkil etgan edi.
Chakana narxlar indeksi bir oy oldin 11,8 foizga o‘sgandan so‘ng, o‘tgan yilning shu davriga nisbatan 12,3 foizga oshdi.
Bu britaniyalik ish beruvchilar tomonidan ish haqi bo‘yicha muzokaralar olib borishda foydalaniladigan indeksdir.
Avvalroq Buyuk Britaniyada ishchilar yetishmasligi sabab oziq-ovqatlar isrof bo‘layotgani haqida xabar berilgan edi.
Izoh (0)