Буюк Британияда июль ойида истеъмол нархлари йиллик кўрсаткичда 10,1 фоизга ошди. Бу ҳақда мамлакат Миллий статистика бошқармаси (МСК) маълумотларига таяниб, Bloomberg хабар бермоқда.
Шундай қилиб, инфляция июнь ойига нисбатан тезлашиб, сўнгги 40 йилликдаги энг юқори даражага чиқди. Ўтган ой нархлар ошиши 9,4 фоизни ташкил қилган эди.
Истеъмол нархлари июнь ойида 0,8 фоизга ошганидан кейин ойига 0,6 фоизга юқорилади. Мутахассислар ўртача 0,4 фоиз ўсишни кутган эди.
Буюк Британияда юқорилаётган инфляция асосан озиқ-овқат нархларининг ошиши билан боғлиқ.
Маълумотларига кўра, мамлакатда охирги марта инфляциянинг бундай юқори даражаси 1982 йилнинг февралида қайд этилган. Ўша йили инфляция январь ойида деярли 11 фоизни ташкил этган ва декабрда 6,5 фоизга тушган.
Озиқ-овқат, алкоголь, тамаки ва энергиядан ташқари нархлар июль ойида йиллик кўрсаткичларда 6,2 фоиз ва ўтган ойга нисбатан 0,3 фоизга ошди. Июнь ойида уларнинг ўсиши мос равишда 5,8 фоиз ва 0,4 фоизни ташкил этган эди.
Чакана нархлар индекси бир ой олдин 11,8 фоизга ўсгандан сўнг, ўтган йилнинг шу даврига нисбатан 12,3 фоизга ошди.
Бу британиялик иш берувчилар томонидан иш ҳақи бўйича музокаралар олиб боришда фойдаланиладиган индексдир.
Аввалроқ Буюк Британияда ишчилар етишмаслиги сабаб озиқ-овқатлар исроф бўлаётгани ҳақида хабар берилган эди.
Изоҳ (0)