Bo‘stonliq tumani Chimyon tog‘ tizmasiga sayr qilish maqsadida chiqib, yo‘ldan adashish oqibatida qaytib tusholmagan fuqarolarga yordam berildi. Bu haqda FVV matbuot xizmati xabar berdi.
Qayd etilishicha, 16-avgust taxminan soat 13:50 da fuqaro D.G Toshkent viloyati Favqulodda vaziyatlar boshqarmasiga murojaat qilib, 15-avgust kuni Bo‘stonliq tumani Chimyon tog‘ tizmasiga sayr qilish maqsadida 5 nafar nabiralari bilan borgani va yo‘ldan adashib qaytib tushmaganini ma’lum qilib, yordam so‘ragan.
Xabarga asosan zudlik bilan qidiruv-qutqaruv ishlariga Chimyon otryadining alpinist qutqaruvchilari jalb qilingan. Qutqaruvchilar tomonidan aholi punktidan 15 kilometr uzoqlikda bo‘lgan Mozorsoy va Teshiktosh tog‘lari hududi bo‘ylab olib borilgan qidiruv-qutqaruv ishlari natijasida 16-avgust soat 18:20 da fuqarolar topilgan.
Ushbu fuqarolarning xavfsizligi ta’minlangan holda psixologik yordam ko‘rsatilib, tog‘ cho‘qqisidan olib tushilgan. Fuqarolarning sog‘lig‘i yaxshi, ularga hech qanday tan jarohatlari yetmagan.
Mavzuga doir:
Izoh (0)