Shavkat Mirziyoyev Hindiston prezidenti Draupadi Murmu va bosh vazir Narendra Modini ushbu mamlakat mustaqilligining 75 yilligi munosabati bilan tabrikladi. Bu haqda prezident matbuot kotibi xabar berdi.
Qutlovlarda, jumladan, so‘nggi yillarda O‘zbekiston–Hindiston strategik sherikligi barcha ustuvor sohalarda izchil kengayib borayotgani qayd etilib, birgalikdagi sa’y-harakatlar bilan hamkorlik kelgusida ham do‘st xalqlar manfaatlari yo‘lida taraqqiy etib borishiga ishonch bildirilgan.
Davlat rahbari Hindiston xalqiga tinchlik, ravnaq va farovonlik tiladi.
Shavkat Mirziyoyev avvalroq Pokiston prezidenti va bosh vazirini mamlakat mustaqilligi kuni bilan tabriklagandi.
Izoh (0)