Toshkent viloyatining O‘rta Сhirchiq tumanida Nexia-1 haydovchisi boshqaruvni yo‘qotib, kanalga tushib ketdi. Bu haqda FVV matbuot xizmati xabar berdi.
14-avgust kuni taxminan 15:30 larda Toshkent viloyati O‘rta Chirchiq tumani “O‘rtaovul” MFY hududidan oqib o‘tuvchi “Toshkent” magistral kanaliga Nexia-1 haydovchisi kutilmaganda boshqaruvni yo‘qotish oqibatida tushib ketgani haqida viloyat FVBga xabar kelib tushgan.
Ma’lum bo‘lishicha, avtomobilda haydovchining o‘zi bo‘lgan va suvga tushishdan oldin tushib qolishga ulgurgan.
Xabarga asosan zudlik bilan qutqaruvchilar voqea joyiga yetib borib, suvda qidiruv-qutqaruv maxsus asbob-amjomlari va Favqulodda vaziyatlar davlat quyi tizimiga kiruvchi tashkilotlar texnikalarini jalb qilgan holda avtomobil kanaldan olib chiqilgan.
Hodisa oqibatida tan jarohati olgan va halok bo‘lganlar yo‘q.
Mavzuga doir:
Izoh (0)