Qashqadaryo viloyatining Qamashi tumani hokimligi Ko‘kdala tumani hokimligi tarqatgan axborotni rad etdi.
Futbol emotsiyalarga boy sport turi hisoblanadi. Shu sababli katta futbol va mahalliy futbol bahslarida turli tortishuvlar yuzaga chiqishi tez-tez uchrab turadi. Albatta, bu jarayonlar sport madaniyatiga xos tarzda bo‘lishi lozim. Agar sport etikasidan chiqib ketsa, bu holat har qanaqasiga mavjud qonun talablariga ko‘ra jazolanishi kerak.Qamashi tumani hokimligi urg‘u berayotgan ayrim manbalar bu — Ko‘kdala tumani hokimligi axborot xizmati. Hokimlik bir kun avval tumanda bo‘lib o‘tgan hokim kubogida sodir bo‘lgan to‘polon haqida rasmiy ma’lumot berib, unda birinchi videodagi holat Qamashi tumanida bo‘lib o‘tgan DXX kubogida sodir bo‘lganini yozdi. Ammo ko‘p o‘tmay, mazkur ma’lumot tahrirlanib, aynan shu qism olib tashlandi.Kuni kecha ijtimoiy tarmoqlarda Qamashi tumanidagi futbol bahsida sodir bo‘lgan mushtlashuv jarayoni aks etgan videolavhalar e’lon qilindi. Ayrim manbalarda bu holatning DXX kubogi musobaqasida bo‘lgani to‘g‘risida asoslanmagan xabarlar ham tarqaldi”, — deyiladi Qamashi tumani hokimligi axborot xizmati munosabatida.
Qamashidagi holat 2022-yil 10-aprel kuni “Balandchayla” mahallasida o‘tkazilgan xotira turnirida yuzaga kelgan. Unda Qamashi tumanidagi 6 ta mahalla jamoasi musobaqada bahs olib borgan.Qamashi tumani hokimligining qo‘shimcha qilishicha, holat yuzasidan tegishli tashkilotlar tomonidan qo‘shimcha o‘rganish ishlari olib borilmoqda.Musobaqaning yarim finalida “Qoratepa” va “ Jonbo‘zsoy” mahallasi jamoalari o‘rtasidagi bahsni boshqargan hakam va futbolchilar o‘rtasida kelishmovchilik yuzagan kelgan.
Bu holatga mahalliy tomoshabinlar aralashuvi o‘zaro mushtlashuvga sabab bo‘lgan. Shu kunning o‘zida mahalliy aholi va futbolchilar o‘zaro murosaga kelib, yarashib olgan”, — deydi Qamashi tuman sport bo‘limi rahbari Ulug‘bek Sharipov.
Izoh (0)