Tashqi ishlar vazirligida Yevropa Ittifoqining O‘zbekistondagi Muvaqqat ishlar vakili, YI delegatsiyasi rahbari o‘rinbosari Mindaugas Kacherauskas bilan uchrashuv o‘tkazildi, deb xabar bermoqda Dunyo axborot agentligi.
Qayd etilishicha, muzokaralar chog‘ida ikki tomonlama kun tartibining dolzarb masalalari, shuningdek, Yevropa Ittifoqi–Markaziy Osiyo hamkorligi formatining samaradorligini oshirish istiqbollari muhokama qilingan.
Tomonlar 2022-yil noyabr oyida Samarqand shahrida “Yevropa Ittifoqi–Markaziy Osiyo” formatidagi tashqi ishlar vazirlarining navbatdagi uchrashuvi va O‘zaro bog‘liqlikni mustahkamlash birinchi vazirlar konferensiyasini tashkil etishga oid masalalariga alohida e’tibor qaratgan.
Yuqorida ta’kidlangan tadbirlarni tayyorlash, ularning kun tartibini aniq takliflar va amaliy mazmun bilan boyitish bo‘yicha Yevropa tomoni bilan muntazam ishchi uchrashuvlar o‘tkazish amaliyotini davom ettirish yuzasidan kelishib olingan.
Mavzuga doir:
- Tashqi ishlar vazirligi Yevropa mamlakatlari va YI institutlari bilan hamkorlik boshqarmasiga rahbar tayinlandi
- Yevropa Ittifoqi Shavkat Mirziyoyevning mintaqaviy siyosatini har tomonlama qo‘llab-quvvatlaydi
- Vladimir Norov BMTning Osiyo va Tinch okeani bo‘yicha iqtisodiy va ijtimoiy komissiyasi ijrochi kotibi bilan uchrashdi
Izoh (0)