Мисрнинг Гиза шаҳрида жойлашган қибтийлар черковида ёнғин юз берди, оқибатда, сўнгги маълумотларга кўра, камида 41 киши ҳалок бўлди, деб ёзади Meduza. Reuters манбаларига кўра, қурбонларнинг аксариятини болалар ташкил қилади.
Эрталабки ибодат чоғида черковда беш мингга яқин одам йиғилган. Электр тармоғидаги қисқа туташув туфайли, бинода ёнғин бошланган ва черковнинг кириш қисмини тўсиб қўйган. Гувоҳлар сўзларига кўра, ур-йиқит юзага келган. Черковнинг учинчи ва тўртинчи қаватида бўлган одамлар пастга туша бошлаган ва «бир-бирининг устига қулаган».
Ички ишлар вазирлиги экспертлари аниқлашича, ёнғин иккинчи қаватдаги кондиционерни ток билан таъминлаган электр сими носозлиги туфайли бошланган.
Мисрда қарийб 9 миллион насронийлар истиқомат қилади, уларнинг кўпчилиги қубтийлар — мамлакатнинг арабларгача бўлган аҳолисининг авлодларидан иборат. Қубтийлар кўп маротаба жангарилар томонидан ҳужумларга учраган.
Изоҳ (0)