Faoliyatini professional boksda davom ettirayotgan Shahobiddin Zoirov (5-0, 3 KO) o‘zining navbatdagi jangini 13-avgust kuni Toshkentda o‘tkazdi.
“Humo Arena”da kechgan bahsda o‘zbekistonlik bokschiga Nikaragua vakili Larios Jerson (7-9, 3 KO) raqib bo‘ldi.
Zoirov birinchi raundning dastlabki soniyalaridayoq raqibining jag‘ qismiga kuchli zarba yo‘llab, Jersonni ringga qulatdi. Larios bu zarbadan keyin o‘rnidan turolmadi va nokaut qayd etildi.
Shu tariqa Zoirov prof boksdagi 5-g‘alabasini qo‘lga kiritdi.
Mazkur boks oqshomida Mirazizbek Mirzaxalilov va Lazizbek Mullajonov ham ringga chiqib, nokaut bilan g‘alabaga erishdi.
Izoh (0)