“Paxtakor” hujumkor yarim himoyachisi Dragan Cheran Superliga 15-turi doirasida “Neftchi”ga qarshi kechgan o‘yinda (0:2) gol urishga muvaffaq bo‘ldi.
Bu serbiyalik futbolchi uchun O‘zbekiston oliy divizionidagi 106-golga aylandi. Shu tariqa Cheran O‘zbekiston chempionati tarixidagi eng yaxshi legioner to‘purarga aylandi.
Bu borada Dragan turkmanistonlik Artur Gevorkyanni ortda qoldirdi. Gevorkyan O‘zbekiston chempionatida 105 ta golga muallif qilgandi.
Cheran O‘zbekistondagi faoliyatini 2016-yili “Nasaf” safida boshlagan. 2018-yildan beri esa “Paxtakor” safida to‘p tepmoqda.
Cheran Superliga 2022-yilgi mavsumi 15-turidan keyin 9 ta gol urgan holda Temurxo‘ja Abduxoliqov bilan to‘purarlar ro‘yxatida yetakchilik qilmoqda.
Izoh (0)