2021/22-yilgi mavsumning eng yaxshi darvozaboni va eng yaxshi yosh o‘yinchisi nomiga da’vogarlar e’lon qilindi

France Football nashri Lev Yashin va Raymon Kopa nomidagi sovrinlarga da’vogarlar ro‘yxatini e’lon qildi.

Yashin sovrini mavsumning eng yaxshi darvozaboniga nasib etsa, Kopa nomidagi sovringa eng yaxshi yosh o‘yinchi loyiq ko‘riladi.

2021-yilda “PSJ” posboni Janluiji Donnarumma eng yaxshi darvozabon bo‘lgan, “Barselona” yarim himoyachisi Pedri esa eng yaxshi yosh futbolchi deya e’tirof etilgandi.

Eng yaxshi darvozabon nomiga da’vogarlar:

Yassin Bunu (“Sevilya”)

Alisson (“Liverpul”)

Tibo Kurtua (“Real”)

Ederson (“Manchester Siti”)

Mayk Menyan (“Milan”)

Eduar Mendi (“Chelsi”)

Manuel Noyer (“Bavariya”)

Yan Oblak (“Atletiko”)

Kevin Trapp (“Ayntraxt”)

Ugo Lyoris (“Tottenhem”).

Eng yaxshi yosh o‘yinchi nomiga da’vogarlar:

Karim Adeyemi (“Zalsburg” / “Borussiya”, Germaniya)

Jud Bellinghem (“Borussiya D”)

Eduardo Kamavinga (“Real”)

Gavi (“Barselona”)

Rayan Gravenberx (“Ayaks” / “Bavariya”)

Nunu Mendesh (“PSJ”)

Jamal Musiala (“Bavariya”)

Yoshko Gvardiol (“Leypsig”)

Bukayo Saka (“Arsenal”)

Florian Virts (“Bayer”).

Avvalroq “Oltin to‘p” sovriniga da’vogarlar ro‘yxati e’lon qilingandi. Sovrinlar 27-oktabr kuni o‘z egalariga topshiriladi.