ОПЕК (Нефтьни экспорт қилувчи давлатлар ташкилоти) глобал нефть талаби ўсиши прогнозини кунига 3,1 миллион баррелгача пасайтирди. Бу бўйича ташкилотнинг ойлик ҳисоботида келтириб ўтилган.
«2022 йил учун глобал нефть талаби кунига 3,1 миллион баррель бўлиши прогноз қилинмоқда, бу баъзи минтақавий қайта кўриб чиқишларни ҳисобга олган ҳолда, ўтган ойдаги тахминдан кунига 0,3 миллион баррелга паст», — дейилади ташкилот материалларида.
Қайд этилишича, хом ашёга умумий талаб кунига ўртача 100,03 миллион баррелни ташкил қилади. 2022 йилда углеводород истеъмолининг ўсишига саноат ва транспорт учун ёнилғига бўлган талабнинг ўсиши туртки бўлади, деб ҳисобланмоқда. Бу маҳсулотларга бўлган талаб, ўз навбатида, иқтисодий фаолликнинг тикланиши ҳисобига ортади. Энг катта даромад Америкадан, айниқса, АҚШдан келади.
Келгуси йил учун прогнозлар ўзгармаган. ОПЕК углеводородларга талабнинг кунига 2,7 миллион баррелга ошишини тахмин қилмоқда. Шундай қилиб, 2023 йилда нефтга бўлган жаҳон талаби кунига 102,72 миллион баррелни ташкил қилади.
Изоҳ (0)