“Chinoz neftni qayta ishlash zavodi”ning 100 foiz ulushini xususiylashtirish bo‘yicha professional konsalting kompaniyasi tanlab olinadi. Bu haqda Davlat aktivlarini boshqarish agentligi xabar bermoqda.
Talabgorlar tijorat takliflarini joriy yil 27-avgust kuni soat 18:00 ga qadar taqdim etishi mumkin.
Agar birgalikda qo‘shma tijorat taklifi taqdim etilsa, jalb qilingan sherik-konsultantning ham ishini muvofiqlashtirish uchun mas’ul bo‘lgan va javobgarlikni zimmasiga oladigan asosiy konsultant ko‘rsatishi lozim.
Zavod haqida ma’lumot
“Chinoz neftni qayta ishlash zavodi” – asosiy vazifasi neftni qayta ishlab benzin, kerosin, mazut, dizel yoqilg‘isi va moylarga aylantirishni tashkil etishdan iborat.
Ushbu sanoat korxonasi yiliga 117 ming tonnadan ziyod uglevodorod xomashyosini qayta ishlash imkonini beruvchi zamonaviy texnologik uskunalar bilan jihozlangan.
Korxona “Chinoz neftni qayta ishlash zavodi” savdo belgisi ostida faoliyat yuritadi.
Korxona 2016-yil 11-avgust kuni faoliyatini boshlagan. Ustav fondi – 102 mlrd so‘mni tashkil etadi.
Avvalroq “Dori-darmon” kompaniyasini xususiylashtirish jarayoni boshlangani haqida xabar berilgandi.
Izoh (0)