Rossiyaliklar O‘zbekistonda yangi kompaniyalar soni bo‘yicha rekord o‘rnatdi

O‘zbekistonda 2022-yilning yanvar—iyul oylarida Rossiya kapitali ishtirokidagi 465 ta kompaniya tashkil qilindi. Bu haqda Davlat statistika qo‘mitasi xabar bermoqda.

Taqqoslash uchun, 2021-yilning 12 oyida 356 ta, 2020-yilda esa 265 ta shunday korxona ochilgan edi. Undan avvalgi yillarda ham bunday yuqori ko‘rsatkich kuzatilmagan.

Birgina iyul oyining o‘zida 66 ta yangi Rossiya kapitali ishtirokidagi kompaniyalar tashkil qilindi. 

Davlatlar kesimida Rossiya katta farq bilan birinchi o‘rinda bormoqda. Bu borada ikkinchi o‘rinni Turkiya egallagan — 203 ta.

Uchinchi o‘rinni 149 ta kompaniya bilan xitoy egalladi. 

Rossiya ishtirokidagi yangi kompaniyalar soni fevraldan keyin keskin oshdi: 

• yanvarda — 23 ta; 
• fevralda — 28 ta; 
• martda — 56 ta; 
• aprelda — 103 ta; 
• mayda — 92 ta; 
• iyunda — 89 ta; 
• iyulda — 66 ta kompaniya tashkil etildi. 

Apreldan beri ketma-ket to‘rtinchi oy Rossiya ishtirokida yangi kompaniyalar tashkil etilishi kamayib bormoqda.