9-avgust kuni O‘zbekistonda xorijiy kriptobirjalar bloklangani haqida xabar berilgandi. Istiqbolli loyihalar milliy agentligi xabariga ko‘ra, bir nechta litsenziyasi bo‘lmagan kriptobirjalarga cheklov o‘rnatilgan.
Mazkur platformalar kripto-aktivlar bilan bog‘liq xizmatlarini taklif etib, qonun hujjatlarida belgilangan tartibda serverlarini mamlakatda o‘rnatmasdan odamlarning shaxsiy ma’lumotlarini so‘rab olmoqda, — deyiladi agentlik xabarida.
Bunday kriptobirjalar operatsiyalarni amalga oshirish uchun hech qanday yuridik javobgarlikni o‘z zimmasiga olmaydi, tranzaksiyalarning qonuniyligini, shuningdek, shaxsiy ma’lumotlarni to‘g‘ri saqlanishi va maxfiyligini kafolatlay olmaydi.
Shuni inobatga olgan holda, litsenziyaga ega bo‘lmagan birjalar bloklandi.
O‘zbekistonda 2020-yildan beri mahalliy kriptobirjalar faoliyat olib bormoqda.
1-yanvardan esa o‘zbekistonliklarga kripto-aktivlarni sotib olish, sotish va ayirboshlash bo‘yicha operatsiyalarni faqat milliy provayderlar orqali amalga oshirish huquqi beriladi.
Izoh (0)