Yangi kompaniyalar ko‘payishi sekinlashdi: O‘zbekistonda qancha korxona va tashkilotlar borligi ma’lum bo‘ldi

O‘zbekistonda 2022-yil 1-avgust holatiga ko‘ra, 565 982 ta korxona va tashkilotlar faoliyat yuritmoqda. Bu haqda Davlat statistika qo‘mitasi xabar bermoqda. 

Qayd etlishicha, korxona va tashkilotlar soni 2021-yilning mos davri bilan solishtirganda 45,6 mingtaga ko‘paygan.

Bunda asosiy o‘sish quyidagi sohalarda kuzatilgan:

• savdo — 150 306 tadan 172 850 taga (o‘sish 22 544 ta); 
• sanoat — 90 638 tadan 94 909 taga (o‘sish 4 271 ta); 
• qishloq, o‘rmon va baliqchilik xo‘jaligida — 46 307 tadan 50 997 taga (o‘sish 4 690 ta).

2022-yil yanvar—iyul oyida yangi tashkil etilgan korxona va tashkilotlar soni 2021-yilning mos davri bilan solishtirilganda 3 798 taga kamligini ko‘rish mumkin. 

Joriy yilning ilk yetti oyida 57 814 ta yangi kompaniyalar tashkil qilingan. Hududlar kesimida Xorazm, Samarqand, Jizzax va andijon viloyatlarida o‘sish kuzatildi.