Namangan viloyati Chortoq tumanida poyezd fuqaroni urib ketdi, deya xabar qilmoqda viloyat IIB axborot xizmati.
2022-yilning 22-iyul kuni 23:55 larda Namangan viloyati Chortoq tumani “Navbahor” mahallasi hududidan o‘tuvchi Chortoq–Uychi temiryo‘l oralig‘ining 111-kilometri 8-bekatida Qo‘qon lokomotiv deposi Andijon filialiga qarashli teplovoz harakatlanib ketayotgan bo‘lgan.
Shu vaqtda temiryo‘l izida uxlab yotgan fuqaroni ko‘rgan mashinist signal yordamida uni uyg‘otishga va poyezdni to‘xtatishga harakat qilgan.
Biroq fuqaro shovqindan uyg‘onmagan, poyezd ham to‘xtashga kechikkan. Oqibatda 52 yoshli fuqaro olgan tan jarohatlari sababli shifoxonada vafot etdi.
Izoh (0)