Бухоро вилоятининг Жондор туманида сифат назоратидан ўтмаган гўшт маҳсулотларининг сотилишига чек қўйилди, деб хабар бермоқда вилоят ИИБ матбуот хизмати.
Маълум қилинишича, вилоят ИИБ ЖХХ ЖЦБ Карантин тадбирларини таъминлаш бўлими ҳамда Жондор тумани Ветеринария ва чорвачиликни ривожлантириш бўлими ходимлари билан ҳамкорликда навбатдаги назорат рейд тадбирлари ўтказилган.
Бунда, Жондор тумани «Хумдонак» маҳалласи ҳудудидаги савдо дўконларида озиқ-овқат, гўшт ва сут маҳсулотларининг сотилишида ветеринария-санитария қоидалари нормаларига амал қилинишини таъминлаш мақсадида сифат назоратидан ўтмаган жами 110 килограмм оғирликдаги гўшт маҳсулотлари сотилишининг олди олинган.
Қонунбузар фуқароларга нисбатан Маъмурий жавобгарлик тўғрисидаги кодекснинг 109-моддасига асосан маъмурий баённомалар расмийлаштирилган.
Изоҳ (0)