Davlat ekologiya qo‘mitasi tashabbusi bilan 9-avgust kuni Toshkent shahrida o‘tkaziladigan ekologik reydga start berildi.
Qo‘mita matbuot xizmatining xabar berishicha, Ekologiya, Milliy gvardiya, ichki ishlar xodimlaridan iborat Ekopatrul inspektorlariga hududlarda amalga oshirilishi lozim bo‘lgan vazifalar atroflicha tushuntirildi.
Ekologik reydlar jarayonida “Tabiatni muhofaza qilish to‘g‘risida”gi qonun talablarining bajarilishini ta’minlash, shuningdek, aholining ekologik madaniyatini yanada yuksaltirish borasida targ‘ibot va tashviqot ishlarining ham olib borilishi yuzasidan zaruriy tavsiyalar berildi.
Kun davomida qilinadigan ishlar rejalashtirilib, ekologik nazorat reyd tadbirlarini samarali bir tarzda o‘tkazish bo‘yicha aniq chora-tadbirlar belgilandi.
Ayni paytda poytaxtida hamkorlikda nazorat reyd tadbirlari amalga oshirilmoqda.
Izoh (0)