Toshkent shahrining Yangihayot va Bektemir tumanlarida giyohvand modda va dorilarni olib yurgan shaxslar ushlandi. Bu haqda Yo‘l harakati xavfsizligi xizmati xabar berdi.
Xususan, tekshiruvlar davomida 7-avgust kuni soat 16:45 da Yangihayot tumanida joylashgan “Yangihayot” blok-postida xizmat olib borayotgan YPX xodimi tomonidan Toshkent viloyatidan poytaxtga kirib kelayotgan Nexia to‘xtatilib, xolis va guvohlar ishtirokida tekshirilganda yo‘lovchi — 2000-yilda tug‘ilgan A.I.ning yonidan qog‘ozga o‘ralgan, jigarrang, o‘tkir hidli, quritilgan o‘simlik moddasi topilgan.
Holat yuzasidan tegishli hujjatlar rasmiylashtirilib, fuqaro A.I. va topilgan modda tuman IIO FMBga topshirilgan
Bundan tashqari, 7-avgust kuni soat 22:15 da Yangihayot tumanida joylashgan “A.Turbanov” YPX maskanida xizmat olib borayotgan YPX xodimlari tomonidan Toshkent viloyatidan poytaxtga kirib kelayotgan Matiz to‘xtatilib, xolis va guvohlar ishtirokida tekshirilganda yo‘lovchi — 1991-yilda tug‘ilgan S.F.ning sumkasidan 11 dona “Tropikamid” nomli psixotrop dori vositalari topilgan.
Mazkur holat yuzasidan tegishli hujjatlar rasmiylashtirilib, fuqaro S.F. va topilgan vositalar Yangihayot tumani IIO FMBga topshirilgan.
8-avgust kuni soat 00:10 da Bektemir tumanida joylashgan “Sharq” YPX maskanida xizmat olib borayotgan YPX xodimlari tomonidan Toshkent viloyatidan poytaxtga kirib kelayotgan haydovchi — 1997-yilda tug‘ilgan S.S. boshqaruvidagi Nexia to‘xtatilib, xolis va guvohlar ishtirokida tekshirilgan. Avtomobil salonidan 2 dona sellofanga solingan, oq rangli, o‘tkir hidli, kukunsimon moddalar topilgan. Shuningdek, ushbu avtomobilda bo‘lgan yo‘lovchi — 1994-yilda tug‘ilgan J.M.ning yonidan 1 dona “Tropikamid” va 29 dona “Regapen" nomli psixotrop dori vositalari topilgan.
Mazkur holat yuzasidan tegishli hujjatlar rasmiylashtirilib, fuqarolar va topilgan vositalar Bektemir tumani IIO FMBga topshirilgan.
Izoh (0)