Jizzaxda ikki yuk mashinasi to‘qnashib, ag‘darildi

Jizzax viloyati G‘allaorol tumanida yuk avtomobillari ishtirokida YTH sodir bo‘ldi.

Dastlabki ma’lumotlarga ko‘ra, 2022-yilning 8-avgust kuni soat 19:00 larda, Jizzax viloyati, G‘allaorol tumani hududidan o‘tgan M-39 avtomobil yo‘lining 1012-kilometrida, Toshkent–Samarqand yo‘nalishida haydovchi, 1996-yilda tug‘ilgan Z.N. boshqaruvida bo‘lgan Isuzu rusumli hamda haydovchi, 1971-yilda tug‘ilgan M.Q. boshqaruvida bo‘lgan “Zil-130” rusumli yuk avtomobillari ishtirokida YTH sodir bo‘lgan va ikkala transport vositasi ham ag‘darilgan.

YTH oqibatida Isuzu avtomobilining haydovchisiga hamda “Zil-130” rusumli avtomobilda bo‘lgan bir nafar yo‘lovchiga birinchi tez tibbiy yordam ko‘rsatilgan.

YTH yuzasidan tuman IIB YHXB xodimlari tomonidan surishtiruv olib borilmoqda.