Energetika vazirligi quyosh suv isitish qurilmalarining 5 ta eng muhim afzalliklari haqida ma’lumot berdi.
Qayd etilishicha, iste’molchilar xonadoniga quyosh suv isitish qurilmalarini o‘rnatishi hisobiga quyidagi imkoniyatlarga ega bo‘ladi:
- xonadonga quyosh suv isitish qurilmalarini xarid qilmoqchi bo‘lganlarga xarajatining bir qismi kompensatsiya qilib beriladi;
- yoki quyosh suv isitish qurilmalarini 3 yil muddatgacha foizsiz bo‘lib-bo‘lib to‘lash orqali o‘rnatish mumkin;
- ushbu qurilmani o‘rnatish hisobiga xonadonni tekin va uzluksiz issiq suv bilan ta’minlash imkoniyati bor;
- quyosh suv isitish qurilmalarini o‘rnatish evaziga elektr va issiq suv to‘lovlarida 70 foizgacha mablag‘ tejaladi;
- fuqarolar ushbu qurilmalarni o‘rnatish hisobiga xonadonni qish mavsumida isitish imkoniyatiga ham ega bo‘ladi.
Ma’lumot uchun: Har bir o‘rnatilgan suv isitish qurilmasi uchun 2 million so‘mgacha kompensatsiya to‘lab berish amaliyoti joriy etiladi. Shuningdek, uskuna qiymatini 3 yil ichida foizsiz, bo‘lib-bo‘lib to‘lash imkoniyati ham yaratiladi.
Bunda, har oy ketgan xarajat iqtisod bo‘lishi hisobiga, suv isitish qurilmasi 21 oyda pulini oqlaydi va qurilma yonga qoladi. Agar oila kompensatsiyani emas, bo‘lib-bo‘lib to‘lashni tanlasa, oylik to‘lov 170 ming so‘m bo‘ladi. Ya’ni hozirgi to‘lovidan ham kam bo‘ladi va uch yildan keyin issiq suv uchun umuman xarajat qilmaydi.
Izoh (0)