Mutaxassislar o‘pka saratonining ikkita asosiy belgisini aniqladi

Buyuk Britaniya Milliy sog‘liqni saqlash xizmati surunkali yo‘tal va nafas qisilishini e’tiborsiz qoldirmaslikka chaqirdi. Chunki bular o‘pka saratoni belgilari bo‘lishi mumkin, deydi mutaxassislar.

Ularning ta’kidlashicha, o‘pka saratoni saratonning eng keng tarqalgan to‘rt turidan biridir. Shu bilan birga, ushbu ro‘yxatga ko‘krak, yo‘g‘on ichak va prostata saratoni kiradi.

Kasallikning asosiy belgilari nafas olish bilan bog‘liq. U surunkali yo‘tal va nafas qisilishi bilan ajralib turadi. Shuningdek, o‘pka saratoni quyidagilarda namoyon bo‘lishi mumkin:

• doimiy nafas yo‘llarining infeksiyalari;
• gemoptiz (yo‘talganda qon ajralishi);
• nafas olayotganda yoki yo‘talayotganda og‘riq va noqulaylik;
• doimiy charchoq hissi;
• ishtahaning yo‘qolishi;
• hech qanday sababsiz vazn tashlash.