Shveysariya Rossiyaga qarshi sanksiyalar konstitutsiyaga zid ekanini ma’lum qildi

Shveysariya Yevroittifoqning Rossiyaga qarshi sanksiyalariga qo‘shilsa, bu uning konstitutsiyasiga zid bo‘ladi, chunki mamlakatning betarafligi buziladi, dedi Shveysariya parlamentining “Markaz demokratik ittifoqi” (UDC) partiyasi matbuot kotibi Andrea Zomer.

“Sanksiyalar kiritish mamlakatning betarafligiga va o‘z navbatida, uning konstitutsiyasiga ham ziddir. Konstitutsiyada Shveysariya betaraf mamlakat deb ko‘rsatilgan. Biz sanksiyalarga qarshimiz”, — dedi u.

UDC partiyasi nemis tilida “Shveysariya xalq partiyasi” (SVP) deb nomlanadi. U parlamentda o‘rinlarning chorakdan ko‘proq qismini egallagan, shuningdek, senatdagi 46 ta o‘rindan oltitasini band qilgan. Hukumatdagi yetti vazirdan ikki nafari UDC vakillari hisoblanadi.

3-avgust kuni Shveysariya Yevroittifoqning Rossiyaga qarshi sanksiyalari yettinchi paketiga qo‘shildi, u oltin yetkazib berishga nisbatan embargoni o‘z ichiga oladi, shuningdek, “Sberbank” aktivlari muzlatilishini ko‘zda tutadi. Iyul oxirida Shveysariya hukumati sanksiya ro‘yxatiga 54 nafar jismoniy va to‘qqizta yuridik shaxsni qo‘shgandi.