Amerikalik yozuvchi Stiven King ikki kitob nashriyoti — Penguin Random House va Simon & Schuster’ning birlashishiga qarshi sudda guvohlik berdi. Bu haqda Reuters xabar qilmoqda.
King sud jarayonidagi o‘z ko‘rsatmasida Penguin Random House ga Simon & Schuster bilan birlashishga ruxsat berilsa, yozuvchilarda o‘z kitoblarini sotish uchun kamroq imkoniyat bo‘lishini aytgan.
Kitoblari eng ko‘p sotilgan muallifning ta’kidlashicha, “karyerasi davomida nashriyot sanoatidagi konsolidatsiya mualliflar uchun maoshning kamayishiga olib kelgan”.
Kingning fikricha, hozirgi kunda zamonaviy yozuvchilar uchun o‘z kasbidan foydalanish juda qiyin.
Buni er va xotin bir-birlari bilan bir uy uchun savdolashishi desa ham bo‘ladi, bu shunchaki kulgili”, — degan u sudda.Sud jarayonida AQSH Adliya vazirligi, federal sudyani ikki “katta beshlik” kitob nashriyoti o‘rtasidagi 2,2 milliard dollarlik birlashuvni bloklash uchun ko‘ndirishga urindi.
Vazirlikning ta’kidlashicha, kelishuv 250 mln dollardan ortiq daromad oladigan ayrim mualliflar uchun avanslarni qisqartiradi.
Sud jarayoni ikki-uch hafta davom etishi kutilmoqda. Guvohlar orasida yana ikki nashriyot rahbarlari ham bor.
Avvalroq Stiven King koronavirus pandemiyasi haqida roman yozish rejalari bilan o‘rtoqlashgan edi.
Mavzuga doir: Stiven King Rossiyada o‘z kitoblarini chop etmaslikka qaror qildi. U mamlakatda asarlari eng ko‘p nashr qilinadigan yozuvchi
Izoh (0)