NATO bosh kotibi Yens Stoltenbergning aytishicha, koalitsiya boshchiligida faoliyat yuritayotgan Kosovodagi xalqaro xavfsizlik kuchlari (KFOR) mintaqadagi barqaror vaziyatga tahdid solgan taqdirda, ular bu masalaga aralashishga tayyor. Bu haqda “TASS” xabar bermoqda.
“Agarda KFOR BMT mandati asosida barqarorlikka tahdid soladigan bo‘lsa, NATO bunga aralashishga tayyor”, — degan Stoltenberg.Shuningdek, u tomonlarni Yevropa Ittifoqi vositachiligida konstruktiv muloqotga chaqirdi. NATO bosh kotibining so‘zlariga ko‘ra, kelishmovchiliklarni diplomatik yo‘l bilan hal qilish kerak.
Avvalroq Kosovo Ichki ishlar vazirligi rahbari Jalal Svechliya tan olinmagan respublika va Markaziy Serbiya o‘rtasidagi Yarinye va Brnyak nazorat-o‘tkazish punktlari faoliyati tiklanganini ma’lum qilgandi.
Kosovska-Mitrovitsadagi vaziyat 31-iyul kuni yomonlashgan. Kosovo politsiyasi qisman tan olingan respublika hududiga serb hujjatlarining amal qilishiga taqiq joriy qilmoqchi bo‘lib, Serbiya bilan ma’muriy chiziqdagi nazorat-o‘tkazish punktini yopib qo‘ydi va kuchlarni mintaqa shimoliga olib chiqdi.
Shundan so‘ng, serblar barrikadalar qura boshladilar, kosovolik albanlar esa Kosovska-Mitrovitsa shahrining janubiy qismida shimolga olib boradigan ko‘prik yonida to‘plandi. NATO xalqaro xafvsizlik kuchlari (KFOR) ham chegarada joylashgan.
Izoh (0)