Швейцария Евроиттифоқнинг Россияга қарши санкцияларига қўшилса, бу унинг конституциясига зид бўлади, чунки мамлакатнинг бетарафлиги бузилади, деди Швейцария парламентининг «Марказ демократик иттифоқи» (UDC) партияси матбуот котиби Андреа Зомер.
«Санкциялар киритиш мамлакатнинг бетарафлигига ва ўз навбатида, унинг конституциясига ҳам зиддир. Конституцияда Швейцария бетараф мамлакат деб кўрсатилган. Биз санкцияларга қаршимиз», — деди у.
УДC партияси немис тилида «Швейцария халқ партияси» (SVP) деб номланади. У парламентда ўринларнинг чоракдан кўпроқ қисмини эгаллаган, шунингдек, сенатдаги 46 та ўриндан олтитасини банд қилган. Ҳукуматдаги етти вазирдан икки нафари UDC вакиллари ҳисобланади.
3 август куни Швейцария Евроиттифоқнинг Россияга қарши санкциялари еттинчи пакетига қўшилди, у олтин етказиб беришга нисбатан эмбаргони ўз ичига олади, шунингдек, «Сбербанк» активлари музлатилишини кўзда тутади. Июль охирида Швейцария ҳукумати санкция рўйхатига 54 нафар жисмоний ва тўққизта юридик шахсни қўшганди.
Изоҳ (0)