3-avgust kuni Tog‘li Qorabog‘dagi vaziyat yana keskinlashdi. Bu haqda hududda bo‘lib turgan Rossiya tinchlikparvar kuchlari xabar berdi.
Kontingentning tinchlikni saqlash bo‘yicha javobgarlik zonasida vaziyat keskinlashdi. Saribaba tepaligi hududida Ozarbayjon qurolli kuchlari tomonidan o‘t ochishni to‘xtatish rejimi buzildi”, — deyiladi Rossiya Mudofaa vazirligining Tog‘li Qorabog‘ hududidagi Rossiya kuchlari faoliyati to‘g‘risidagi bayonotida.“Rossiya tinchlikparvar kontingenti qo‘mondonligi Ozarbayjon va Armaniston tomonlari vakillari bilan birgalikda vaziyatni barqarorlashtirish choralarini ko‘rmoqda”, — ta’kidlangan mudofaa vazirligi xabarida.
Ozarbayjon Mudofaa vazirligining xabar qilishicha, 3-avgust kuni Ozarbayjon armiyasi “Qasos” javob operatsiyasini o‘tkazgan, uning davomida Qorabog‘dagi bir qator tepaliklar nazoratga olingan va noqonuniy arman qurolli guruhlarining bir qancha jangovar pozitsiyalari yo‘q qilingan.
Armanistonning noqonuniy qurolli tuzilmalari a’zolari Kelbajar va Lochin tumanlari hududini qamrab olgan tog‘ tizmasida joylashgan Girxg‘iz cho‘qqisini egallab, u yerda yangi jangovar pozitsiyalarni jihozlashga harakat qilayotgandi. Ozarbayjon armiyasi bo‘linmalari tomonidan o‘tkazilgan “Qasos” javob operatsiyasi natijasida Kichik Kavkazning Qorabog‘ tizmasi bo‘ylab Girxg‘iz cho‘qqisi, shuningdek, Saribaba va boshqa muhim tepaliklar nazorat ostiga olindi ” —deyiladi vazirlik bayonotida.Unda qayd etilishicha, operatsiya davomida bir qancha jangovar pozitsiyalar, jangarilar, gaubitsalar, harbiy texnika va katta miqdordagi o‘q-dorilar yo‘q qilingan.
Mudofaa vazirligining ta’kidlashicha, “Ozarbayjon Respublikasi Rossiya tinchlikparvar kuchlari vaqtincha joylashgan Ozarbayjon hududlarida uch tomonlama bayonotga zid ravishda Armaniston qurolli kuchlari va noqonuniy arman qurolli tuzilmalarining mavjudligi xavf manbai ekanini bir necha bor ta’kidlagan”
Ushbu hududlarni demilitarizatsiya qilish, arman qo‘shinlarining u yerdan to‘liq olib chiqib ketilishi va noqonuniy arman qurolli tuzilmalarini qurolsizlantirish mutlaqo muqarrar”, — deydi vazirlik.Yevropa Ittifoqi rasmiylari Tog‘li Qorabog‘dagi mojaro taraflarini zudlik bilan harbiy harakatlarni to‘xtatib, muzokaralarni davom ettirishga chaqirdi.
Vaziyatni tinch hal qilish yo‘llarini topish uchun keskinlikni pasaytirish, o‘t ochishni to‘xtatish rejimiga to‘liq rioya qilish va muzokaralar stoliga qaytish zarur”, — deyiladi Yevropa tashqi siyosat xizmati bayonotida.
Izoh (0)