Toshkent shahri Sergeli va Yangihayot tumanida giyohvand moddalari olib yurgan shaxslar aniqlandi.
2022-yil 3-avgust kuni soat 15:30 larda Sergeli tumani hududida xizmat olib borayotgan YPX xodimi T.Tojiboyev tomonidan Navro‘z ko‘chasi bo‘ylab harakatlanib kelayotgan Lacetti rusumli avtomobil to‘xtatilgan vaqtda, salonda bo‘lgan yo‘lovchi ko‘rinishi va turli xatti-harakatlari bilan xodimda shubha uyg‘otgan.
Xolis va guvohlar ishtirokidagi tekshiruvlar davomida, yo‘lovchi, 2003-yilda tug‘ilgan K.N.ning cho‘ntagidagi uyali telefonning g‘ilofi orqasidan 2 dona, jigar rangli, o‘tkir hidli, saqichsimon moddalar topilgan.
Mazkur holat yuzasidan tegishli hujjatlar rasmiylashtirilib, fuqaro K.N. va topilgan modda Sergeli tumani IIO FMBga topshirilgan.
Shuningdek, 2022-yil 4-avgust kuni soat 00:10 larda, Yangihayot tumanida joylashgan “A.Turbanov” YPX maskanida xizmat olib borayotgan YPX xodimlari N.Ikromov va M.Po‘latovlar tomonidan Toshkent viloyatidan poytaxtga kirib kelayotgan Matiz rusumli avtomobil to‘xtatilgan vaqtda, salonda bo‘lgan yo‘lovchi ko‘rinishidan xodimlarda shubha uyg‘otgan.
Xolis va guvohlar ishtirokidagi tekshiruvlar davomida, yo‘lovchi, 1983-yilda tug‘ilgan N.S.ning cho‘ntagidan 1000 so‘mlik pul kupyurasiga o‘ralgan, yashil rangli, o‘tkir hidli, quritilgan o‘simlik moddasi topilgan.
Mazkur holat yuzasidan tegishli hujjatlar rasmiylashtirilib, yo‘lovchi N.S. va topilgan modda Yangihayot tumani IIO FMBga topshirilgan.
Izoh (0)