Rossiyalik tadbirkorlar 2022-yilda O‘zbekistonga ko‘proq ucha boshladi. Bu haqda Forbes Russia xabar berdi.
Biznes vakillari orasida bir tomonlama aviachiptalarga eng yuqori talab mart oyida kuzatilgan (+69% ona). Tadqiqotchilar buni kompaniyalarning biznesni boshqa joyga ko‘chirish istagi bilan izohlamoqda.
Ma’lumotlariga ko‘ra, IT va telekommunikatsiya, moliya va konsalting sohalari vakillari ko‘pincha xorijga xizmat safarlariga chiqishgan.
Eng mashhur yo‘nalishlar Qozog‘iston (+154%), Turkiya (+288%), BAA (+277%), O‘zbekiston (+56%) va Armaniston (+112%) bo‘ldi.
O‘zbekistonda Rossiya kompaniyalari soni keskin ko‘paydi
2022-yilning yanvar—iyun oylarida O‘zbekistonda Rossiya kapitali ishtirokida 399 ta korxona tashkil etildi.
Taqqoslash uchun, 2021-yilning 12 oyida 356 ta, 2020-yilda esa 265 ta shunday korxona ochilgan edi.
Rossiya katta farq bilan birinchi o‘rinda — ikkinchi o‘rinda turgan Turkiya ishtirokida ikki baravar kam yangi kompaniya tashkil etildi – 183 ta.
Bu Ukrainada urush boshlangandan keyin ko‘plab rossiyalik tadbirkorlar Rossiyani tark etish, o‘z bizneslarini boshqa davlatlarga ko‘chirishga qaror qilganliklari bilan izohlanadi.
Izoh (0)