“Toshshahartransxizmat” kompaniyasi 2022-yilning birinchi yarmini zarar bilan yakunladi. Bu “Daryo”ga kompaniyaning moliyaviy hisobotidan ma’lum bo‘ldi.
Birinchi olti oyda korxona tushumi 88,3 milliard so‘mni tashkil etgan bo‘lsa-da, tannarxi 239,6 milliard so‘mni, xizmatlarni sotishdan ko‘rilgan zarar esa 151 milliard so‘mni tashkil qildi.
Natijada kompaniya 59,2 milliard so‘m zarar ko‘rgan. Taqqoslash uchun, o‘tgan yilning shu davrida ancha kam bo‘lgan edi – 468,3 million so‘m.
Davlat “Toshshahartransxizmat”ga kompensatsiya to‘lab bergan edi
2019-yilda hukumat Toshkent yo‘lovchi transporti korxonalarini moliyaviy sog‘lomlashtirish haqida qaror qabul qilgan edi.
O‘shanda “Toshshahartransxizmat”ning 38 milliard so‘m zarari budjet hisobidan qoplanishi belgilangandi.
Avvalroq O‘zbekistonning eng ko‘p zarar ko‘rgan 20 ta davlat korxonasi ma’lum bo‘lgan edi. Ular ichida “Toshshahartransxizmat” ham bor.
Izoh (0)