“O‘zbekneftgaz”: “Nihol” oromgohi 2022-yil yoz muvsumi iyul oyining “Eng yaxshi oromgohi” deb topildi

“O‘zbekneftgaz” AJ tizimidagi zavod, boshqarmalar va tashkilotlar hamda Birlashgan kasaba uyushma qo‘mitasi va uning tarkibidagi boshlang‘ich kasaba uyushma tashkilotlari tomonidan ishchi-xodimlarning farzandlarini yozgi ta’til vaqtlarini mazmunli o‘tkazishlarini tashkil etish maqsadida qator ijobiy ishlar amalga oshirilib kelinmoqda.

Joriy yilning yozgi mavsum davomida jamiyat tassarrufidagi Muborak neft va gaz qazib chiqarish boshqarmasiga qarashli “Yosh alangachi”, Muborak gazni qayta ishlash zavodiga qarashli “Nihol”, Sho‘rtan neft va gaz qazib chiqarish boshqarmasiga qarashli “Beruniy”, Sho‘rtan gaz kimyo majmuasiga qarashli “Lochin”, Buxoro neftni qayta ishlash zavodiga qarashli “Neftchi” nomli bolalar sog‘lomlashtirish oromgohlarida 10 mingga yaqin bolalarni dam olishlari rejalashtirildi.

Xususan, yozgi mavsumning birinchi navbatida 2250 nafar, ikkinchi navbatida 2784 nafar bola dam oldi. Mavsumning uchinchi navbatida 2612 nafar bolalarni lagerlarga qabul qilindi.

Oromgohning fidoyi jamoasiga, bolalar uchun barcha sharoitlarni yaratib berayotgan “O‘zbekneftgaz” AJ hamda Muborak gazni qayta ishlash zavodiga minnatdorlik tariqasida birinchi darajali diplom taqdim etildi.

Ushbu oromgoh Qashqadaryo viloyati, Yakkabog‘ tumanida joylashgan bo‘lib, bu yeda bolalarni dam olishlari uchun barcha sharoitlar yaratilgan. Xususan, cho‘milish xavzalari, sport majmualari, to‘garaklar, kutubxonalar, madaniy dam olish uchun mo‘ljallangan sahnalar mavjud.

Shuningdek, turli madaniy-ma’rifiy, ko‘ngilochar tadbirlar uyushtirib kelinmoqda. Oromgohning va yopilish ochilish marosimi, “Oromgoh malikasi”, “Jajji raqs malikasi” kabi she’riyat, musiqa va raqs kechalari, quvnoqlar va zukkolar bellashuvlari, liboslar ko‘rgazmasi, sport tadbirlari, rassomchilik, badiiy bezak, mohir qo‘llar singari bir qator tadbirlar shular jumlasidan.

Ushbu tadbirlar bolajonlarning o‘ziga bo‘lgan ishonchning yuksalishiga, ona vatanimizga bo‘lgan mehri ortishiga, dunyoqarashi hamda bilim saviyalari o‘sishiga katta turtki bo‘lib kelmoqda.

“O‘zbekneftgaz” AJ Matbuot xizmati